स्थानीय तहहरूले आन्तरिक आयको श्रोत वृद्धिसँगै  निजी क्षेत्रको पुँजी परिचालन  गरी सेवा विस्तार  

बुटवल,  चैत २५
स्थानीय सरकारको आन्तरिक आयका श्रोत बढाउन करको दायरा फराकिलो बनाउँदै निजी क्षेत्रको पुँजी परिचालनले सेवा विस्तार  गर्नु पर्ने एक कार्यक्रम वक्ताहरूले जोड दिएका छन् ।
बुटवल उपमहानगरपालिकाका र  एकाउन्टीलीटी ल्याब नेपालको संयुक्त आयोजनामा आज चैत्र २६ गते सार्वजनिक निजी सहकार्य प्रवर्धनमा स्थानीय तहहरूको अनुभव तथा सिकाइ सम्बन्धी संवाद कार्यक्रममा बोल्दै सरोकारवालाहरूले यस्तो बताएका हुन् ।
बुटवल उपमहानागरपालिका  निमित्त प्रमुख प्रशाशाकिय अधिकृत तुलसा अर्यालको अध्यक्षता र उपमहानगरपालिका कै उप प्रमुख सावित्र अर्यालको प्रमुख अतिथ्यतामा सम्पन्न भएको उक्त कार्यक्रममा बुटवल उपमहानगरपालिका,  देवदह नगरपालिका, सैनामैना नगरपालिका, तिलोत्तमा नगरपालिका, सिद्धार्थनगर नगरपालिका र ओमसतिया गाउँपालिकाका आर्थिक विकास हेर्ने जनप्रतिनिधि सहित राजस्व, सहकारी, रोजगारी, र सा नि सा शाखा प्रमुखहरूको सहभागिता रहेको थियो ।
सो कार्यक्रममा बुटवल उपमहानगरपालिकाका राजस्व शाखा प्रमुख डोलराज पौडेलले सार्वजनिक निजी साझेदारीका नीतिगत व्यवस्था, संरचना, मुख्य परियोजना र अवसरहरूका बारेमा कार्यपत्र प्रस्तुत गरेका थिए । भने एकाउन्टीविटी ल्याबका प्रतिनिधि राजु शर्मा सार्वजनिक निजी सहकार्यको महत्त्व र प्रारूप बारे कार्यपत्र प्रस्तुत गरेका थिए ।
स्थानीय सरकारको आन्तरिक आयका श्रोत बढाउन करको दायरा फराकिलो बनाउन पर्ने, निजी क्षेत्रको पुँजी परिचालनले सेवा विस्तार गर्नु पर्ने र लगानीलाई सुरक्षा दिनु पर्ने आदि कामका लागि सार्वजनिक निजी सहकार्य आवश्यक हुन्छ । निजी क्षेत्रको नीति तर्जुमा भन्दा पनि कार्यक्रम र क्रियाकलाप माग गर्ने प्रवृत्तिमा सुधार ल्याउनु पर्ने आवश्यक देखिएको छ ।
उप प्रमुख सावित्रा अर्यालले  सार्वजनिक निजी सहकार्यबाट बुटवल उपमहानगरपालिकाले आफ्नो आय बढाउनका साथै जनतालाई सेवा प्रदायमा पनि योगदान पुगेका अवगत गराइन्