जासुसी गरेको भन्दै रुसमा एप्पलका आइफोन प्रतिबन्धको घोषणा

मस्को ।

रुसले अमेरिकाले फोनमार्फत उनीहरुमाथि नजर राखेको बताएको छ । आफुहरु माथी निगरानी गरेको दावी गर्दैै रूसले सरकारी अधिकारीहरूलाई एप्पल आईफोन प्रयोग गर्न प्रतिबन्ध लगाएको छ । मिडिया रिपोर्टहरूका अनुसार रुसको संघीय सुरक्षा सेवा (एफएसएस) ले हजारौं अधिकारीहरूलाई आईफोन र आईप्याडजस्ता एप्पलका अन्य उत्पादनहरू प्रयोग गर्न बन्द गर्न आग्रह गरेको हो ।

फाइनान्सियल टाइम्सको रिपोर्ट अनुसार जुलाई १७ देखि रुसको व्यापार मन्त्रालयका कर्मचारीहरूले काममा आईफोन प्रयोग गर्न पाउने छैनन्। प्रतिवेदनमा स्रोतलाई उद्धृत गर्दै भनिएको छ, ‘मन्त्रालयका सुरक्षा अधिकारीहरूले अर्थात् एफएसबीले आइफोनलाई अब सुरक्षित नमान्ने र यसको विकल्प खोज्नुपर्ने घोषणा गरेको छ।’

एफएसबी र अन्य रुसी अधिकारीहरूले भने कि अमेरिकाले उनीहरूको उपकरणहरू तार ट्यापिङको लागि प्रयोग गर्न सक्छ। उनले थपे कि, एफएसबी लामो समयदेखि व्यावसायिक सम्पर्कका लागि आईफोनको प्रयोगको बारेमा चिन्तित थियो । एकै समयमा यो परिवर्तन गर्दा विरोध हुन सक्छ।

गत मार्चमा क्रेमलिनले अधिकारीहरूलाई एप्पलका उत्पादनहरू प्रयोग गर्न बन्द गर्न भनेको थियो । उनीहरुका अनुसार एप्पलका समानहरु अमेरिकी ह्याकिङका लागि प्रयोग हुन सक्छ भन्ने उनीहरुमा डर देखा परेको थियो  ।

गत महिना रुसी सरकारले एप्पलमाथि अमेरिकी गुप्तचर निकायसँग काम गरेको आरोप लगाएको थियो । यो दाबीलाई टेक दिग्गजले कडा रूपमा अस्वीकार गरेको छ। एप्पलले कुनै पनि एप्पल उत्पादनका लागि कम्पनीले कुनै पनि सरकारसँग कुनै काम नगरेको बताएको छ ।

प्रतिवेदनले दावी गरेको छ कि, ‘प्रमुख मन्त्रालय र संस्थाहरूमा एप्पलका उत्पादनहरूमा प्रतिबन्धले रुसी राज्य संस्थाहरू विरुद्ध अमेरिकी गुप्तचर एजेन्सीहरूले बढेको जासुसी गतिविधिलाई लिएर क्रेमलिन र संघीय सुरक्षा सेवा जासूस एजेन्सीमा बढ्दो चिन्तालाई झल्काउँछ।’

रोस्टेकका एक प्रतिनिधिले फाइनान्सियल टाइम्सलाई भने कि प्रतिबन्ध सबै एप्पल उपकरणहरूमा लागू हुन्छ। तर व्यक्तिगत उद्देश्यका लागि तिनीहरूको प्रयोग अझै पनि अनुमति छ।