- शुक्रबार, असोज ३० २०८३
काठमाडौं । कास्कीको पोखरा महानगरपालिका–६, पामेस्थित फेवातालमा कायकिङ गर्ने क्रममा हावाहुरीका कारण अलपत्र परेका दुईजनाको उद्धार गरिएको छ । सशस्त्र प्रहरी बलको टोलीले उनीहरूको उद्धार गरेको हो ।
शनिबार (जेठ २) अपराह्न करिब १६ः३५ काठमाडौंको सिनामंगलका ३४ वर्षीय अनुज पुरी र २८ वर्षीया सिवानी खड्का पुरी फेवातालमा कायकिङ गरिरहेका थिए । त्यही बेला अचानक आएको तीव्र हावाहुरीका कारण उनीहरू तालको बीचमा फसेका थिए ।
उनीहरूको उद्धारका निम्ति सशस्त्र प्रहरीका १० जनाको विशेष टोली परिचालन गरिएको थियो । टोलीले तालमा फसेका दुवैजनालाई सकुशल उद्धार गरी सुरक्षित स्थानमा ल्याएको सशस्त्र प्रहरीले जनाएको छ ।
हाल उनीहरूको अवस्था सामान्य रहेको जनाइएको छ ।
© 2026 All right reserved to hamrofuture.com | Site By : SobizTrend
