बुटवलको जितेश्वरी दुर्गा मन्दिरमा धान्याचल महायज्ञ सुरु

कार्यक्रममा जितेश्वरी दुर्गा मन्दिर ब्यवस्थापन संस्थाका अध्यक्ष बालकृष्ण गैरे, सचिव ताराप्रसाद गौडेलले महायज्ञ जस्तो पवित्र कर्ममा स्थान उपलब्ध गराएको भन्दै बचत रकमबाट मन्दिरको पूर्वाधारमा सहयोग गर्न आग्रह गरे ।

यता आयोजक संस्था जयमहकालका युवा समुह रुपन्देही जिल्लाका अध्यक्ष देवेन्द्र बहादुर केसीले ‘भोकोलाई भोजन, प्यासालाई पानी’ नारासहित आफुहरु संस्थागत रुपमा अघि बढेको उनले बताए । संस्थाबाट बुटवलमा एक दर्जन बढि असहाय र गरिब वृद्घवृद्घाहरुलाई ब्यवस्थापन गर्दै आएको उनले बताए । आश्रम र अक्षयकोष स्थापना गरि सामाजिक कार्यमा अग्रसर हुने योजना रहेको उनले बताए ।

पाठपारायण पंडित नारायण अधिकारीले बिराट महायज्ञमा आईतबार विधिवत पुजाअर्चना र झाकी रयाली समेत भएको छ । कार्यक्रममा महाकालका जिल्ला संयोजक प्रदिप पोखरेलले हिन्दु धर्म रक्षा र समाजसेवाको भावनाका साथ आफुहरु लागेको बताए ।