लुम्बिनी ईटा संघमा पदस्थापन, सस्थागत सदृढिकरणमा जोड

पदस्थापन कार्यक्रममा बोल्दै नेपाल ईटा उद्योगी व्यवसायि महासंघका केन्द्रिय सचिव रमेश खनालले ईटा व्यसायलाई प्रबिधि मैत्री बनाउदै थप व्यवस्थित बनाउनु पर्नेमा जोड दिए । उनले पर्यावरण जोगाउदै उद्योग सञ्चालन गर्नु पर्ने उल्लेख गर्दै बिकसित प्रबिधि अनुसार एदोगी व्यवसायि पनि अगाडि बढ्नु पर्ने बताए ।

यी हुन निर्वाचित पदाधिकारी तथा सदस्यहरु 
लुम्बिनी ईटा उद्योग व्यवसायि संघकोे अध्यक्षमा सुनिल कुमार सिन्धी निर्वाचित हुनु भएको छ । अध्यक्ष पदमा भएको निर्वाचनमा अजयकुमार गुप्ता र सिन्धीवीच प्रतिष्पर्धा भएकोमा दुवै जनाको मत बराबरी आएको थियो ।

गोलाप्रथाबाट अध्यक्षमा सिन्धी निर्वाचित हुनु भएको थियो । अन्य पदाधिकारी र सदस्यहरु भने निर्विरोध निर्वाचित हुनु भएको छ । संघको बरिष्ठ उपाध्यक्षमा अजय अधिकारी, प्रथम उपाध्यक्षमा मिनबहादुर पुन, द्धितिय उपाध्यक्षमा दीपक पौडेल निर्वाचित हुनु भएको छ । त्यसैगरी महासचिवमा बाबुराम पाठक, सचिवमा चक्रपाणि तिवारी र कोषाध्यक्षमा विक्रमरत्न बज्राचार्य निर्वाचित हुनु भएको छ ।

सदस्यहरुमा मुक्ति बस्याल, पियुस आश्वानी, गुलावचन्द्र गुप्ता, सुरेन्द्र बरई, पुर्णवासी गुप्ता, धनपति पौडेल, दीपक कुमार सिन्धी, सागर सिन्धी, विकास मिश्र, राजकुमार सिन्धी र लेखा समिति संयोजकमा सुरजमान श्रेष्ठ निर्वाचित भएको छ ।