बुटवलमा भोलीदेखि पुरुष खुल्ला भलिबल प्रतियोगिता

मगर समुदायले हरेक वर्ष मनाउने पीतृ पूजाको अवसरमा तीन दिनसम्म सञ्चालन हुने प्रतियोगितामा ८ समुहले प्रतिस्पर्धा गर्ने संघका अध्यक्ष कुमार राना मगरले जानकारी दिए ।

विभिन्न क्लब तथा संस्थाहरुबाट सहभागी रहने प्रतियोगितामा हरेक समुहले ३ जनासम्म राष्ट्रिय खेलाडीलाई समावेश गर्न पाउने भएकाले रोमाञ्चक प्रतिस्पर्धा हुने उनको दाबी छ । प्रतियोगिताका लागि सम्पूर्ण तयारी पूरा भएको जानकारी दिन आइतबार आयोजित पत्रकार सम्मेलनमा बोल्दै संस्थाका संरक्षक विष्णु थापा झेंडी मगरले प्रथम सहिद लखन थापालाई पीतृको रुपमा सम्मान गर्दै यो कार्यक्रम आयोजना गरिएको बताए ।

कार्यक्रमको अवसरमा बोल्दै बुटवल–७ का वडा अध्यक्ष पदम गाहाले मगरहरुको पहिचान र ईतिहासलाई स्मरण गर्दै आयोजना गरिएको प्रतियोगिताले नयाँ पुस्तासम्म यस बारे जानकारी पुर्याउन सहयोग गर्ने अपेक्षा गरे ।