- शुक्रबार, असोज ३० २०८३
बुटवल ।
रातको समयमा बुटवल उपमहानगरपालिका–११ देविनगरको रङ्गशाला नजिकैंबाट मोटरसाइकल चोरी गर्ने युवा पक्राउ परेका छन् । पक्राउ पर्नेमा कपिलवस्तुको कपिलवस्तु नगरपालिका–६ गोबरीका लोक बहादुर विक रहेका छन् ।
देविनगर रङ्गशाला नजिकै पार्किङ गरेर राखिएको स्थानीय भिमबहादुर खासुको लु ३५ प १६२८ नम्बरको मोटरसाइकल आइतबार राती करिब ८ बजेको समयमा चोरी भएको थियो ।
चोरी भएको निवेदनपछि मोटरसाइकल खोज तलास गर्ने क्रममा सोमबार जिल्ला प्रहरी कार्यालय कपिलबस्तुले आरोपितलाई मोटरसाइकल सहित फेला पारेको थियो ।
पक्राउ परेका विकलाई चोरी सम्बन्धि कसूरमा रुपन्देही जिल्ला अदालतबाट म्याद थप लिई थप अनुसन्धान भई रहेको ईलाका प्रहरी कार्यालय बुटवलले जनाएको छ ।
© 2026 All right reserved to hamrofuture.com | Site By : SobizTrend
