आवश्यक परेमा पश्चिम एसियाबाट नेपाली नागरिकलाई सुरक्षित स्वदेश फर्काउछौ- परराष्ट्र मन्त्रालय

काठमाडौँ । सरकारले पश्चिम एसियामा रहेका नेपाली नागरिकको सुरक्षाका लागि सरकारले निरन्तर काम गरिरहेको र आवश्यक परे सुरक्षित रूपमा स्वदेश फर्काउने तयारीसमेत भइरहेको बताएको छ ।

परराष्ट्र मन्त्रालयले पश्चिम एसियामा देखिएका पछिल्ला घटनाक्रम, त्यहाँ रहेका नेपाली नागरिकको अवस्था बारे जानकारी दिदै आवश्यक परे सुरक्षित रूपमा स्वदेश फर्काउने तयारीसमेत भइरहेको जानकारी दिएको हो ।

सो अवसरमा परराष्ट्रमन्त्री बालानन्द शर्मा र परराष्ट्र सचिव अमृतबहादुर राईले नेपाली नागरिकको सुरक्षा सुनिश्चित गर्न सरकारले गरिरहेका प्रयासबारे जानकारी गराएका थिए ।

सरकारले परराष्ट्र सचिवको नेतृत्वमा आपत्कालीन प्रतिक्रिया टोली गठन गरेको, कन्सुलर सेवा विभागमार्फत डिजिटल दर्ता प्रणाली सञ्चालनमा ल्याइएको तथा मन्त्रालयको आपत्कालीन नियन्त्रण कक्षबाट २४ सै घण्टा हटलाइन सेवा सञ्चालन गरिएको सचिव राईले बताए ।