बुटवल,असोज १६
बुटवल उद्योग वाणिज्य सङ्घ निर्वाचनको माहौल तीव्र रूपमा अगाडि बढेको छ । सङ्घको यही १९ गते उद्घाटन हुने अधिवेशनमा २० गते मनोनयन र २२ गते मतदान हुने कार्यक्रम रहेको छ । अहिले दिनेश श्रेष्ठ र हरि प्रसाद अर्यालले छुटा छुटै प्यानल बनाए मैदानमा उत्रिएका छन् । सोही क्रमको बुटवलको उद्योग वाणिज्य सङ्घको इतिहासमा पदाधिकारीमा पहिलो पटक महिला धन कुमारी खनाल ( सविता ) ले सह कोषाध्यक्ष उम्मेदवारी दिने विषय चर्चा पाएको छ ।
न्यु आर बि सप्लायर्स बुटवल ९ कालिका पथकी प्रोप्राइटर धन कुमारी खनाल (सविता ) बुटवल उद्योग वाणिज्य सङ्घमा २०६८ देखि दुई कार्यकाल सदस्य , महिला उद्योगी सल्लाहकार रूपमा काम गरेको अनुभव रहेको छ । यस्तै नेपाल उद्योग वाणिज्य महासङ्घ प्रदेश ५ को महिला समिति सदस्य भएका कारणले उद्योगीहरूका समस्या तथा नीतिगतरुपमा ब्याबसाहिका आवाज उठाउन सक्ने महिलाको रूपमा परिचित छन् । रुपन्देहीको गैडहबा गाउँपालिका पालिका ८ मा मरासिनी एकीकृत कृषि एग्रो फर्ममा दर्ता भई माछा कुखुरा हाँस बाख्रा पालन ब्याबसाय सञ्चालन पनि लामो समयदेखि गर्दै आएकी छन् । उनले बुटवलका विभिन्न सामाजिक सङ्घ संस्थामा जोडिएर काम गरेकी छन् । बुटवल उद्योग वाणिज्य सङ्घमा एक हजार ७ सय ७८ व्यवसायी आबद्ध छन् ।
